Hövzə Xəbər Agentliyinin tərcümə qrupunun verdiyi məlumata görə, Livan şiələrinin Ali İslam Məclisinin sədr müavini Höccətül-İslam vəl-müslimin Şeyx Əli Xətib həmin məclisin qərargahında keçirilən cümə namazının xütbəsində ABŞ-in Livana qarşı təzyiqləri və müxtəlif bəhanə və vasitələrdən istifadə edərək Livan hökumətini müqavimət hərəkatı ilə qarşıdurmaya sürükləmək cəhdləri barədə xəbərdarlıq edib. O, bu cəhdlərin ölkədə daxili birliyi və daxili sülhü təhdid etdiyini vurğulayıb.
Şeyx Əli Xətib Livan hökumətini siyasi yanaşmasından əl çəkməyə, diqqətini ölkənin daxili məsələlərinə yönəltməyə və əhalinin bütün təbəqələrinin dolanışıq problemlərinin həllinə xüsusi diqqət yetirməyə çağırıb.
Şeyx Xətib birliyin imandan sonra ən mühüm güc amili olduğunu vurğulayaraq qeyd edib ki, qarşıdurmadan təslim olmaq yolu ilə yayınmaq olmaz. Çünki bu halda həm imanın, həm də birliyin dəyəri aradan qalxar.
Livan hökumətinin fəaliyyətinə toxunan Şeyx Xətib bildirib ki, hökumət ölkənin cənubuna səfərlər etməkdən başqa heç bir iş görməyib və bu səfərlər də fayda verməyib. Bununla yanaşı, müqavimət hərəkatına məxsus partlayıcı maddələr daşıyan avtomobilin qarşısının alınmasına, eləcə də hökumətin bu sahədə öz vəzifələrini yerinə yetirmədiyi ərazilərdə müqavimət hərəkatının əhaliyə yardım göstərməsinə mane olunmasına diqqət yetirilir.
Livan şiələrinin Ali İslam Məclisinin sədr müavini İsrailin təhdidlərinə də toxunub. O, ABŞ-in Livan hökumətinə göstərdiyi davamlı təzyiqlər barədə xəbərdarlıq edərək bildirib ki, müxtəlif bəhanə və vasitələrlə hökuməti müqavimət hərəkatı ilə qarşıdurmaya sürükləməyə yönələn bu təzyiqlər Livanın daxili birliyini və daxili sülhünü təhdid edir. Düşmən bütün gücü ilə məhz bu məqsədə çatmağa çalışır. Bununla yanaşı, Livan bir neçə sahədə tətbiq edilən mühasirə ilə də üzləşir.
Şeyx Xətib bildirib ki, Livan ordusu bu tələyə düşməyəcək. O, müqavimət hərəkatının insanlara sığınacaq vermək və onları yerləşdirmək istiqamətindəki fəaliyyətinin geniş bir vətəndaş təbəqəsinin üzərinə düşən dolanışıq yükünü azaldacağını vurğulayıb.
Şeyx Xətib xütbəsinin sonunda düşmənlərin xaricdə, eləcə də ölkə daxilindəki bəzi qüvvələrin fitnə və parçalanmanı alovlandırmağa çalışdığı bir şəraitdə, ilk növbədə, daxili birliyin qorunmasının zəruriliyini vurğulayıb. O, bu cəhdlərin qarşısını almaq üçün həm Livan şiələrinin Ali İslam Məclisində, həm də Əməl hərəkatının və Hizbullahın rəhbərliyi səviyyəsində gecə-gündüz səylərin davam etdirildiyini diqqətə çatdırıb.
Rəyiniz